შვებულება - დასვენების უფლება და აუცილებლობა

ანაზღაურებადი შვებულების კონცეფცია პირველად სამრეწველო რევოლუციის შემდეგ გაჩნდა.  მე-19 საუკუნის ბოლოს, როდესაც მუშები ხშირად კვირაში 6-7 დღეს და დღეში 12-16 საათს მუშაობდნენ, დაიწყო მოძრაობა უკეთესი სამუშაო პირობებისთვის.

გერმანია იყო ერთ-ერთი პირველი ქვეყანა, სადაც 1901 წელს შემოიღეს ანაზღაურებადი შვებულება საჯარო მოხელეებისთვის. შემდეგ ეს პრაქტიკა სხვა ქვეყნებმაც გადაიღს. საფრანგეთში 1936 წელს მიიღეს კანონი, რომელმაც ყველა მუშაკს მისცა უფლება ორკვირიან ანაზღაურებად შვებულებაზე.

რატომ არის შვებულება აუცილებელი?

1. ტვინის დასვენება;
2. ფიზიკური ჯანმრთელობა;
3. პროდუქტიულობა.

კვლევები აჩვენებს, რომ რეგულარული შვებულება:

• 30%-ით ზრდის პროდუქტიულობას;
• 40%-ით ამცირებს გადაწვის რისკს;
• მნიშვნელოვნად აუმჯობესებს სამუშაოთი კმაყოფილებას.

„უსასრულო შვებულების პოლიტიკა“ Netflix-ში, სადაც თანამშრომლებს აქვთ შესაძლებლობა, აიღონ იმდენი შვებულება, რამდენიც სჭირდებათ და რამდენიც სურთ. კომპანია თანხმდება, რომ თანამშრომლები უკეთესად მუშაობენ, როცა მათ აქვთ თავისუფლება სამსახურსა და პირად ცხოვრებას შორის. შედეგად, მათ სრული ნდობა აქვთ თანამშრომლების მიმართ, რომ ისინი პასუხისმგებლობით და ორგანიზებულად გამოიყენებენ ამ უპირატესობას.

კომპანია LinkedIn წელიწადში ორჯერ, ივლისსა და დეკემბერში, მთლიანად ხურავს ოფისებს ერთი კვირით, რაც საშუალებას აძლევს თანამშრომლებს დაისვენონ და გათავისუფლდნენ სამუშაო სტრესისგან. ამით LinkedIn უზრუნველყოფს, რომ თანამშრომლები სრულად დაისვენებენ და ენერგიით აღსავსეები დაუბრუნდებიან სამუშაოს. 

„მოქნილი შვებულება და სამუშაო გარემოს მხარდაჭერა“ -  ამას სთავაზობს კომპანია Adidas თანამშრომლებს, ამისტვის წინასწარ ატყობინებთ მენეჯერს. Adidas ასევე უზრუნველყოფს „work-life balance“, რაც გულისხმობს მოქნილ სამუშაო დროს, სახლიდან მუშაობის შესაძლებლობას და დამატებით უქმე დღეებს სტრესული პროექტების დასრულების შემდეგ. თანამშრომლებს ასევე შეუძლიათ დამატებითი უქმე დღეები სოციალური ღონისძიებების ფარგლებში.

 „გაახალგაზრდავების კვირეული“ Nike-ში. კომპანია ხშირად მხარს უჭერს სტრესის მართვას და დასვენებას. მაგალითად, 2021 წელს კომპანიამ თავის თანამშრომლებს მოუწყო „გაახალგაზრდავების კვირეული“, რომლითაც ერთკვირიანი ანაზღაურებადი შვებულება მისცა თანამშრომლებს, რათა მათ შესძლებოდათ განტვირთვა და ფსიქიკური ჯანმრთელობის შენარჩუნება. Nike ასევე უზრუნველყოფს მშობიარობის შემდგომ დამატებით შვებულებას მშობლებისთვის და წამახალისებელ თავისუფალ დღეებს მნიშვნელოვანი ღონისძიებების დროს.

კომპანიების ეს მაგალითები აჩვენებს, როგორ ცდილობენ ისინი დააბალანსონ თანამშრომელთა კეთილდღეობა და პროდუქტიულობა - მოქნილი და სასიამოვნო შვებულების პოლიტიკის მეშვეობით.

თანამედროვე მსოფლიოში შვებულება აღიარებულია როგორც ადამიანის ფუნდამენტური უფლება და აუცილებელი პირობა ჯანსაღი სამუშაო გარემოს შესაქმნელად. ბევრი წარმატებული კომპანია აქტიურად უწყობს ხელს თანამშრომლების მიერ შვებულების სრულად გამოყენებას, რადგან ესმით მისი მნიშვნელობა როგორც თანამშრომლების კეთილდღეობისთვის, ასევე ბიზნესის წარმატებისთვის.