რატომ ირჩევენ თქვენს კონკურენტს, როცა ფასი და ხარისხი ერთნაირი გაქვთ?

წარმოიდგინეთ მარტივი, მაგრამ ბიზნესისთვის მტკივნეული სიტუაცია: თქვენ და თქვენი კონკურენტი მომხმარებელს სთავაზობთ იდენტურ პროდუქტს, ერთნაირი ხარისხითა და ფასით. თუმცა, მომხმარებელი მაინც კონკურენტს ირჩევს. რატომ?

ასეთ დროს გადაწყვეტილებას პროდუქტი კი არა, ნდობა და რეპუტაცია იღებს. დღევანდელ გადატვირთულ ბაზარზე, სადაც მომხმარებელი ინფორმაციულ ზღვაში იხრჩობა, მხოლოდ „კარგი პროდუქტი“ საკმარისი აღარ არის.

ნდობა - როგორც „მოკლე გზა“ გადაწყვეტილებამდე

როდესაც მომხმარებელი უამრავ ალტერნატივას შორის არჩევანის წინაშე დგას, მისი ტვინი ენერგიის დაზოგვას ცდილობს და ეძებს უსაფრთხო, უკვე გამოცდილ გზას.

ის ირჩევს კომპანიას, რომელიც ეცნობა, რომლის შესახებაც სხვებისგან დადებითი სმენია, ან რომელმაც ემოციური კავშირი უკვე დაამყარა. ძლიერი ბრენდი მომხმარებლის ქვეცნობიერს ეუბნება მთავარს: „აქ შენი ფული, დრო და მოლოდინები დაცულია“. სწორედ ასე გარდაიქმნება უცხო კომპანია სანდო პარტნიორად.

ფასის მახე: რატომ არ მუშაობს „ყველაზე იაფის“ სტრატეგია?

ბევრი კომპანია ფიქრობს, რომ ბაზარზე თავის დამკვიდრების საუკეთესო გზა კონკურენტებზე დაბალი ფასის შეთავაზებაა. ეს სტრატეგიული შეცდომაა. დაბალი ფასი მომხმარებელს შესაძლოა ერთხელ მოგიყვანოთ, მაგრამ ის ლოიალობას ვერასდროს შექმნის. როგორც კი სხვა კომპანია კიდევ უფრო დაბალ ფასს შესთავაზებს, ის მაშინვე იქით გადაინაცვლებს.

ჭკვიანი მომხმარებელი ფულს იხდის არა ნივთში, არამედ იმ ღირებულებაში, რასაც ეს პროდუქტი ან სერვისი მას აძლევს. ძლიერი ბრენდი არასოდეს ეჯიბრება სხვებს ფასით ის ეჯიბრება უნიკალურობით, კომფორტითა და დაპირების ზუსტი შესრულებით.

ბრენდი ლოგოსა და რეკლამაზე გაცილებით მეტია

არსებობს მცდარი წარმოდგენა, რომ ლამაზი ლოგო, ფერები და ძვირადღირებული ვიდეორგოლი უკვე ბრენდია. სინამდვილეში, ეს მხოლოდ შეფუთვაა.

ბრენდი არის ის, რასაც მომხმარებელი გრძნობს, როცა თქვენს მენეჯერს ესაუბრება და ის, თუ რამდენად სწრაფად აგვარებთ მის პრობლემას. თუ თქვენი სარეკლამო დაპირება კარგია, მაგრამ მომსახურება იმედგამაცრუებელი, ვერანაირი მარკეტინგული ბიუჯეტი ვერ გიშველით. ნდობა ფაქტებით შენდება და არა მხოლოდ დაპირებებით.

საბოლოოდ, რატომ ბრუნდება მომხმარებელი?

პირველი გაყიდვა შეიძლება კარგი რეკლამის ან მარკეტინგის დამსახურება იყოს, მაგრამ განმეორებითი გაყიდვა მხოლოდ ბრენდის სიძლიერის დამადასტურებელია. თუ თქვენი დაპირება და მომხმარებლის რეალური გამოცდილება ერთმანეთს იდეალურად ემთხვევა, ერთჯერადი მყიდველი თქვენი ბრენდის ლოიალურ ელჩად იქცევა.

ბრენდის შენება არ არის ამოცანა, რომელიც მხოლოდ ლამაზი პოსტების დაწერით შემოიფარგლება. ეს არის კომპლექსური სტრატეგია, რომელსაც ბიზნესი სრულიად ახალ ეტაპზე გადაჰყავს.

იდეები ბევრს აქვს, მაგრამ გადაწყვეტილებები - მხოლოდ Lemons Development-ს!

Lemons Development-ის გუნდი ყოველთვის თქვენს გვერდით არის, როცა გჭირდებათ კრეატიული ხედვა და რეალური შედეგები.

მისამართი: წერეთლის გამზ. 117ა

კონტაქტი: ( 995) 032 2 45 01 01