Zappos, Google, Facebook, Adobe - კომპანიების კორპორატიული კულტურა. რა არის მათში განსაკუთრებული?

ეფექტური კორპორატიული კულტურის ასაშენებლად, ჩვენ ვსწავლობთ საუკეთესოებისგან. მოდით, გადავხედოთ მსოფლიოში ცნობილ კომპანიებს, რომელთა კორპორატიული კულტურაც ბევრისთვის მისაბაძ მაგალითად იქცა. სამწუხაროდ, სხვისი კულტურის უბრალოდ გამეორება წარმატებას ვერ მოგიტანთ ის, რაც ერთ კომპანიაში კარგად მუშაობს მეორისთვის შეიძლება დამღუპველი იყოს. მაგრამ დასკვნების გამოტანა და ახალი იდეების გენერირება - თქვენ ნამდვილად შეგიძლიათ.

Zappos

ფეხსაცმელების ონლაინ მაღაზია, რომელიც  ცნობილი გახდა არა თავისი პროდუქციით, არამედ კორპორატიული კულტურით. 
Zappos 1999 წელს აშშ-ში დაარსდა, როგორც ფეხსაცმლის მაღაზია.
კომპანიაში პირველი ინვესტიცია  (500, 000 დოლარი ) მისმა ერთ-ერთმა დამფუძნებელმა ტონი შეიმ (Tony Hsieh) განახორციელა.
2000 – დან 2002 წლამდე კომპანიას არაერთხელ დაუდგა კრიზისული პერიოდი და ხელახალი ინვესტიციის საჭიროება. სამწუხაროდ კომპანიამ  ვერ მოახერხა ინვესტორების დაინტერესება და ტონი იყო ის ადამიანი, რომელმაც მეორეჯერ ჩადო თანხა საკუთარი კომპანიის განვითარებისთვის.
ტონიმ საკუთარ თავს იმედები არ გაუცრუა, მმართველი გუნდიდან სწორედ მისი ძალისხმევის და მახვილგონიერების წყალობით დღეს კომპანიის შემოსავალი 2 მილიარდი დოლარია.
წლების მანძილზე დაგროვილი გამოცდილებით მან გაიაზრა, რომ კომპანიის მართვის უპირატესობა იყო არა ტექნოლოგიური ლიდერობა, არამედ მომხმარებელი და მისი მომსახურების ხარისხი.

რა აქვს მას განსაკუთრებული?

1. ახალი თანამშრომლები, როგორც ეს ჩვეულებრივ ბევრ კომპანიაში ხდება გადიან ტრენინგებს, მაგრამ სხვა კომპანიებისგან განსხვავებით ტრენინგის პირველ დღეს, ყველას სთავაზობენ 2000 დოლარის აღებას, თუ ისინი დაუყოვნებლივ იტყვიან უარს  Zappos-ში მუშაობაზე.  
   
   
2. არასტანდარტული მიდგომა. Zappos-ში ხელფასის ზრდა არ არის განპირობებული საოფისე პოლიტიკით, არამედ იმის მიხედვით, თუ ვინ არის თანამშრომელი და როგორ მუშაობს  ის. ამავდროულად, ყველას შეუძლია თავისი სამუშაოს ორგანიზება ისე, როგორც სურს. თანამშრომელს შეუძლია  სამუშაო ადგილი საკუთარი შეხედულებისამებრ მოაწყოს.
   
   მაგალითად: ზოგი საკუთარ კაბინეტში საწოლს დგავს დაღლილობის შემთხვევაში წამოსაწოლად. 
   
   
3. ახალმოსული თანამშრომლების სამუშაოზე მოწყობისა და ადაპტაციის დროს  ხდება კომპანიის 10 ძირითადი კორპორატიულ  ღირებულების დანერგვა.
   
   თითოეულ თანამშრომელს,  დამლაგებლიდან ტოპ მენეჯერამდე, ორი კვირა უწევს იმუშაოს ქოლ-ცენტრში, რათა უკეთ გაიცნოს კომპანიის მომხმარებლები.

კომპანია სტანდარტულად გამოყოფს ბიუჯეტის ნაწილს გუნდის მშენებლობისა და კორპორატიული კულტურის განვითარებისთვის.

კომპანიის მთავარი პრინციპია მომხმარებლის გახარებისკენ სწრაფვაა. უფრო მეტიც, თანამშრომლები არ არიან შეზღუდული ამ პრინციპის განხორციელებაში. მაგალითად, Zappos არ ზომავს ზარის დროს, არ ცდილობს მეტი გაყიდოს, არამედ უბრალოდ ცდილობს გააკეთოს საუკეთესო თითოეული მომხმარებლისთვის.

მაგალითად: მომხმარებელთან ყველაზე გრძელი საუბარი თითქმის ექვს საათს გაგრძელდა!

 "გააბედნიერე მომხმარებელი" - მხოლოდ ლამაზი სიტყვები? მოდი გავარკვიოთ. პანდემიის დაწყებიდანვე Zappos-მა გახსნა ცხელი ხაზი არა მხოლოდ თავისი თანამშრომლებისთვის და არა მომხმარებლებისთვის, არამედ ყველასთვის.

ნებისმიერ მსურველს შეეძლო დარეკვა და ნებისმიერ საკითხზე რჩევის კითხვა.  მაგალითად, რა ფილმს უყურო ან რაიმე საინტერესო რეცეპტი ორცხობილის მოსამზადებლად. 

ამ ინიციატივასთან დაკავშირებული რეალური ამბავი უკვე დიდი ხანია  რაც სოციალურ ქსელებში ტრიალებს. ამბავი ეხება ამერიკის ერთ-ერთ შტატში მომუშავე ექიმს, რომელმაც  დაურეკა ოპერატორს და უთხრა , რომ საავადმყოფოს სასწრაფოდ  სჭირდებოდა მოწყობილობები სისხლში ჟანგბადის დონის გასაზომად. Zappos- ი საავადმყოფოს 300 აპარატის შესყიდვაში დაეხმარა.

Zappos ძირითადი მიდგომა:

• ისეთი თანამშრომლების აყვანა, რომელთა ხედვაც ემთხვევა კომპანის კორპორატიულ კულტურას; 
• თანამშრომლების გახარება, რადგან ეს არის მომხმარებლების ბედნიერების გასაღები.

Zappos - კულტურის ტიპი ჰოლაკრატიაა (მმართველობის ჰორიზონტალური მოდელი). 

საინტერესო ფაქტები და შეხედულებები Zappos-ისგან

ინფორმაცია აღმასრულებელი დირექტორის ტონი შაის წიგნიდან „ბედნიერების მიწოდება“. ნებისმიერ მსურველს შეუძლია მოინახულოს Zappos-ის ოფისი საიტზე ტურზე დარეგისტრირდებით. იმ შემთხვევაშიც კი, თუ ტურზე მხოლოდ ერთი ადამიანი დარეგისტრირდება, მისთვის მაინც წვა სპეციალური ავტობუსი პირდაპირ თვითმფრინავთან.  ვიზიტის დროს შეგიძლიათ შეხვიდეთ ნებისმიერ ოთახში, ესაუბროთ ნებისმიერ თანამშრომელს და  მიხვიდეთ პირდაპირ ტონი შეისთანაც.

კიდევ ერთი საინტერესო ფაქტი კომპანიის შესახებ. როდესაც თანამშრომელი შედის შიდა ქსელში მან უნდა შეიყვანოს მომხმარებლის სახელი, პაროლი და ფოტოზე გამოსახული თანამშრომლის სახელი (ფოტო ირჩევა ავტომატურად თანამშრომლების ბაზიდან),  ქსელში შესასვლელად ამ ველის შევსება აუცილებელი არ არის, ამით კომპანია ამოწმებს იმას, თუ რამდენად კარგად იცნობენ თანამშრომლები ერთმანეთს.  

სატელეფონო ცენტრის თანამშრომლები "გაწვრთნილები" არიან, უპასუხონ ნებისმიერ კითხვას და იყვნენ გამოსადეგი ნებისმიერ თემაზე, მიუხედავად იმისა,  უკავშირდება თუ არა  ეს ფეხსაცმელს ან კომპანიას.

Zappos-ი Amazon-მა 2009 წელს 1,2 მილიარდ დოლარად იყიდა. ამბობენ, რომ Amazon-ი  დაინტერესებული იყო არა იმდენად ონლაინ მაღაზიით, რამდენადაც მსოფლიოში #1 კორპორატიული კულტურის გაზიარების შესაძლებლობით. გარიგების მთავარი პირობა იყო Zappos შეენარჩუნებინა იდენტობა, მართვის სტილი, კულტურა, უკლებლივ ყველა თანამშრომელი, ლოკაცია და მმართველი გუნდის ყველა წევრი.

კონსულტაციისთვის და დახმარებისთვის კი მუდამ თქვენ გვერდით მიგულეთ მე და ჩემი კომპანია.

მხოლოდ ორიგინალური გადაწყვეტილებები  - Lemons.ge

მისამართი: წერეთლის გამზ. #117ა

ელ. ფოსტა: info@lemons.ge  

ოფისი: ( 995) 032 2 45 01 01