საიდან დავიწყოთ პროგრამირების შესწავლა?

„ყველაფერი შეიძლება დაიწეროს კოდად - მთავარია, როგორ მიუდგები.“

პროგრამირება არ არის მხოლოდ კოდების მექანიკური აკრეფა. ეს არის უნარი, რომელიც დაგეხმარებათ შექმნათ ციფრული პროდუქტები, იაზროვნოთ ლოგიკურად, გადაჭრათ პრობლემები მარტივად და მოერგოთ ციფრულ ეპოქას. დამწყებისთვის კოდის წერა შეიძლება უცხო ენას ჰგავდეს - მაგრამ, როცა ამ ენას ფლობ, შეგიძლია შექმნა ყველაფერი: საიტები, აპები, თამაშები და ა.შ.

რას აერთიანებს პროგრამირება?

პროგრამირება მოიცავს:

• ლოგიკასა და მათემატიკას;
• სისტემურ აზროვნებას;
• კრეატიულობას;
• მოთმინებასა და მუდმივ სწავლის სურვილს.

ეს სფერო არ არის მხოლოდ ტექნიკური. ის მოითხოვს შენგან ნებისყოფას, თვითდისციპლინასა და სურვილს, გაიღრმავო ცოდნა ყოველდღე.

რატომ გსურთ პროგრამირების სწავლა?

დამწყებთათვის ხშირად პროგრამირება ნიშნავს უბრალოდ „კომპიუტერული ენების შესწავლას“. სინამდვილეში, ეს ბევრად მეტია - პროგრამირება არის პრობლემის ამოხსნა კონკრეტული ალგორითმის საშუალებით. სწავლის პროცესი გაცილებით ეფექტური იქნება, თუ თავიდანვე განსაზღვრავთ მიზანს:

გსურთ პროფესიონალი პროგრამისტი გახდეთ? მაშინ დაგჭირდებათ სიღრმისეული კურსები, სადაც სწავლის პროცესს თვეებს ან წლებს დაუთმობთ. Google-მა მოამზადა სპეციალური სია უნარებისა და კურსების - მათთვის, ვისაც სურს, გახდეს პროგრამული უზრუნველყოფის ინჟინერი.

თუ პროგრამირება გსურთ ჰობად, მაგალითად, თამაშების ან ვებსაიტების შესაქმნელად, შეგიძლიათ დაიწყოთ უფრო მარტივი და ინტერაქტიული კურსებით, როგორიცაა Codecademy, FreeCodeCamp ან SoloLearn.

თუ დროში შეზღუდული ხართ, Bloc-მა შეადგინა სასარგებლო სქემა კურსების შედარებისთვის, სადაც შეფასებულია დატვირთულობა, ღირებულება და სწავლის მიზნები.

პირველი ენის სწავლა რთულია, მაგრამ მომდევნო ენები უკვე გაცილებით მარტივად ათვისებადია.

გთავაზობთ რამდენიმე მაგალითს მიზნების მიხედვით:

ვებსაიტების შესაქმნელად დაიწყეთ HTML, CSS და JavaScript-ით.

მობილური აპლიკაციებისთვის: iOS-სთვის შეისწავლეთ Swift, Android-ისთვის - Kotlin ან Java.

თამაშების შესაქმნელად: დაიწყეთ C#-ით და Unity-ის პლატფორმით.

მონაცემების ანალიტიკისთვის და ავტომატიზაციისთვის: Python საუკეთესო არჩევანია.

ძალიან სერიოზული და საფუძვლიანი მიზნებისთვის: შეგიძლიათ ცადოთ C ან C++.

2025 წელს კი Python კვლავ რჩება ერთ-ერთ ყველაზე პოპულარულ, წვდომად და უნივერსალურ ენად, რომელიც შესანიშნავია დამწყებთათვის.

დაიწყეთ მცირე ნაბიჯებით

პროგრამირების სწავლა არ ხდება ერთ დღეში. მოემზადეთ პრაქტიკისთვის, შეცდომებისთვის და დამღლელი debugging-სათისთვის. ამის გარეშე პროგრესი არ მოდის:

• აიღეთ მარტივი სახელმძღვანელო და გაიარეთ ეტაპობრივად;
• ჩამოწერეთ თქვენი პირველი პროექტის ამოცანები ბლოკნოტში - ყოველდღე ერთი პატარა ნაბიჯი გადადგით.

გაითვალისწინეთ დევიდ სინკსის გამოცდილება: მან ერთი შაბათ-კვირა Python-ის სწავლას დაუთმო, მეორე - Django-ს. ყველაფერი პრაქტიკით ისწავლა - კოდს შლიდა, წერდა თავიდან და მუდმივად თვალყურს ადევნებდა ნასწავლს.

ყოველდღიური რჩევა დამწყებებს:

• ნუ ეცდები სრულყოფილებას - შენს პირველ კოდში იქნება ქაოსი;
• არ შეადარო შენი თავი პროფესიონალებს - ისინიც ოდესღაც შენს ადგილას იყვნენ;
• ივარჯიშე ყოველდღე, თუნდაც 20-30 წუთი;
• არ დაიზარო კითხვა და სწავლა.
  
  

ისარგებლეთ უფასო ონლაინ-რესურსებით

არსებობს ათეულობით რესურსი, რომელიც დაგეხმარებათ კოდის პირველი სტრიქონების დაწერაში:

• Codecademy;
• Khan Academy;
• FreeCodeCamp;
• Code.org;
• The Odin Project;
• Bento.

ეს პლატფორმები გასწავლიან როგორც საფუძვლებს, ისე პრაქტიკულ ამოცანებს - თამაშის ან ვებსაიტის შექმნის მაგალითებზე.

ღია კოდის პლატფორმები, როგორიცაა GitHub, საშუალებას გაძლევთ გააანალიზოთ რეალური პროექტები. გადახედეთ სხვის კოდს, გაარკვიეთ როგორ მუშაობს და სცადეთ საკუთარი იდეებით განავითაროთ. ეს საუკეთესო გზაა სწავლის გასაგრძელებლად და სისტემური ხედვის გამოსამუშავებლად.

ყველაზე ძლიერი პროგრამა, რომელსაც ოდესმე დაწერ - შენ ხარ. შენშია უნარი შექმნა, მოიფიქრო, ააგო და შეცვალო რეალობა კოდებით.

„შენ წერ კოდს, რომელიც ქმნის მომავალს“.

იდეები ბევრს აქვს, მაგრამ გადაწყვეტილებები - მხოლოდ Lemons.ge-ს!

Lemons.ge-ს გუნდი ყოველთვის თქვენს გვერდით არის, როცა გჭირდებათ კრეატიული ხედვა და რეალური შედეგები.

მისამართი: წერეთლის გამზ. 117ა

კონტაქტი: ( 995) 032 2 45 01 01