ბრენდის ჰუმანიზაცია – რატომ უნდა ესაუბროთ მომხმარებელს, როგორც ბებიას?

"თუ არ შეგიძლია, ეს საკუთარ ბებიას აუხსნა, მაშინ თავადაც არ გესმის" - ალბერტ აინშტაინი

დღეს, როდესაც სოციალური მედია ჩვენი ყოველდღიურობის განუყოფელი ნაწილია, ბრენდის მხოლოდ რეკლამირება საკმარისი აღარაა. მომხმარებელი არ ეძებს მხოლოდ პროდუქტს ან მომსახურებას – მას სურს ურთიერთობა, ემოციური კავშირი და ნდობა. სწორედ ამიტომ, ბრენდის ჰუმანიზაცია ერთ-ერთი მთავარი სტრატეგიაა წარმატებული კომუნიკაციისთვის.

ბრენდის ჰუმანიზაცია ნიშნავს, რომ უნდა გავხადოთ ჩვენი მესიჯი მარტივი, ბუნებრივი და რაც მთავარია – ადამიანური. რაც უფრო გულწრფელები და გახსნილები ვიქნებით, მით უფრო მარტივად მოიპოვებს ბრენდი მომხმარებლის ნდობას. ყველაფერი უნდა იყოს მარტივი, ისე რომ ეს თქვენმა ბებიამაც გაიგოს ისე, როგორც თანატოლმა.

როგორ შევქმნათ ეფექტური კომუნიკაცია სოციალურ მედიაში?

• ესაუბრეთ ბუნებრივად – მომხმარებელს ისე მიმართეთ, როგორც მეგობარს, ზედმეტი სირთულეების გარეშე.
• გამარტივება და ხელმისაწვდომობა – თქვენი მესიჯი ყველასთვის გასაგები უნდა იყოს, მათ შორის ბებიებისთვისაც!
• რეაგირება და დიალოგი – ნუ შემოიფარგლებით მხოლოდ პოსტებით, უპასუხეთ კითხვებს, გამოიჩინეთ ყურადღება.
• ემოციური კავშირი – მომხმარებლები რეაგირებენ გულწრფელობაზე და ნამდვილ გრძნობებზე.
• ისტორიების ძალა – მოჰყვეთ რეალური ამბები, რაც ბრენდს ადამიანურს და ახლობელს გახდის.
  
  

როგორ გავაგებინოთ ჩვენი სათქმელი ყველას, მათ შორის ბებიასაც?

• გამოიყენეთ მარტივი და გასაგები ენა;
• მოერიდეთ რთულ ტერმინებსა და ტექნიკურ დეტალებს;
• მოიყვანეთ რეალური მაგალითები;
• ესაუბრეთ ისე, თითქოს ოჯახის წევრს უხსნით რაღაცას.

მარტივი, ხელმისაწვდომი და მეგობრული კომუნიკაცია მომხმარებელს თავს ისე აგრძნობინებს, თითქოს ბრენდს პირადად იცნობს. მაგალითად, Nike-მ თავისი მომხმარებლებისთვის შექმნა სოციალური მედიის არხი, სადაც მათ შეკითხვებზე აქტიურად პასუხობენ და დახმარებას უწევენ. 

Innocent Drinks - ცნობილი სასმელების ბრენდი, იყენებს ხუმრობებსა და უშუალო ენას, რაც მათ კომუნიკაციას ძალიან ახლობელს ხდის.

ამ მიდგომით გამოირჩევა Apple, რომელიც თავისი პროდუქციის აღწერაში ყოველთვის მარტივ ენას იყენებს, ტექნიკური დეტალების ზედმეტად გართულების გარეშე. 

Dove-ის „რეალური სილამაზის კამპანია“ ამის ნათელი მაგალითია – ბრენდმა მომხმარებლების ნდობა იმით მოიპოვა, რომ რეალური ადამიანები და მათი ისტორიები წარმოაჩინა.

Wendy’s – ეს სწრაფი კვების ქსელი ცნობილი გახდა თავისი თამამი და ხუმრობებით სავსე კომუნიკაციით. მათი პასუხები მომხმარებლებსა და კონკურენტებზე ხშირად ვირუსულად ვრცელდება და ქმნის ბრენდის უნიკალურ, უშუალო იმიჯს.

ბრენდის ჰუმანიზაცია მხოლოდ ტრენდი არ არის – ეს არის გზა, რომლითაც კომპანიები მომხმარებლების გულებში ადგილს იკავებენ. იყავით უფრო ახლობელი და გულწრფელი – და ნახავთ, როგორ გაიზრდება თქვენი გავლენა!

კონსულტაციისა და დახმარებისთვის კი მუდამ თქვენ გვერდით მიგულეთ მე და ჩემი კომპანია.

მხოლოდ ორიგინალური გადაწყვეტილებები  - Lemons.ge

მისამართი: წერეთლის გამზ. #117ა

ელ. ფოსტა: info@lemons.ge

ოფისი: (+995) 032 2 45 01 01