ემოცია, რომელიც გაყიდვაზე მეტს ნიშნავს

არაფერია იმაზე უსულო, ვიდრე მხოლოდ გაყიდვაზე „დამიზნებული“ ბრენდი.

როცა მხოლოდ გაყიდვა გინდა - შენ აღარ გინდა ურთიერთობა.

შეიძლება დროებით იმუშავოს.

შეიძლება იყიდონ.

შეიძლება შეგისრულონ თხოვნა, მოთხოვნა.

მაგრამ არ შეგიგრძნონ.

არ შეგიყვარონ.

ბრენდს არ ყიდი.
ბრენდს გრძნობ.

ის ისეთივე უხილავია, როგორიც ფერი, რომელიც მოგენატრა.
ის ისეთი აუხსნელია, როგორც ხმა, რომელიც წლების წინ ბოლო რეკლამაში გესმოდა და ახლაც თავში გიტრიალებს.
ის ისეთივე ადამიანურია, როგორიც ერთი მზერა, რომელიც ქუჩაში გითვალთვალებს ბანერიდან - და შენც უყურებ.

შეიძლება კედელზე ბურგერია დახატული - მაგრამ შენ მისი გემო გამახსოვრდება.

შეიძლება ბოთლზე წარწერაა - მაგრამ შენ ის ზაფხული გახსენდება, როცა პირველად დალიე.

შეიძლება უბრალო ლოგოა - მაგრამ შენთვის ის ადამიანი ხდება.

ეს არის ბრენდის ძალა.

ის არ ყვირის: "მიყიდე!"
ის ჩუმად გეუბნება: "გესმის?"
და შენ თითქოს თავს უქნებ - და ყიდულობ.
იმიტომ რომ გინდა, გრძნობ.

გაყიდვის მიღმა რა რჩება?

გაყიდვა გარიგებაა.
ბრენდი - ურთიერთობა.

გაყიდვაა ქვითარი.
ბრენდი - მოგონება.

გაყიდვა მთავრდება, როგორც კი პროდუქტი სახლში შეგაქვს.
ბრენდი კი იქ გელოდება - რომ ისევ დაბრუნდე.

ამიტომაცაა, რომ ზოგჯერ მომხმარებელი აღარ არის მხოლოდ მყიდველი - ის ხდება გულშემატკივარი, თანამგრძნობი, შენი ამბის გამგრძელებელი



როგორ ხდება ეს?

არ არსებობს მაგიური ღილაკი.

მაგრამ არსებობს რამდენიმე რამ, რაც ნამდვილად მუშაობს:

• ტონი - როგორ ელაპარაკები. არ იყვირო. მიაწოდე, მოუყევი როგორც მეგობარს.
• ემოცია - თუ შენ არაფერი გიგრძნვია ამ ტექსტში, ვერც ვერავინ იგრძნობს.
• სიმართლე - ნუ ეცდები ისეთი იყო, რაც არ ხარ. ბრენდი, რომელიც თავს იწონებს, ხშირად ყალბია.
• კონტაქტი - მომენტი, როცა შენი ბრენდი დაუკავშირდება მომხმარებლის შიგნით არსებულ რაღაცას. ეს შეიძლება იყოს მოგონება, ხმა, სუნი ან უბრალოდ - გულწრფელობა.

და ბოლოს - რა ღირს ბრენდის გრძნობა?

არაფერი.
ან ყველაფერი.

არ იყიდება.
მაგრამ შეუძლია გაყიდოს.

არ აქვს ფასი.
მაგრამ ქმნის ღირებულებას.

ბრენდი არ ყიდის პროდუქტს - ის ქმნის ისტორიას.

და როცა ეს ისტორია ემთხვევა მომხმარებლის გრძნობას - იქ იწყება ნამდვილი კავშირი.

არა გაყიდვაში.
არა ფასდაკლებაში.
არა კუპონში.

არამედ - ერთ მაგიდასთან სხდომით, საერთო ენაზე საუბრით, ერთი განცდის შეგრძნებით.

იდეები ბევრს აქვს, მაგრამ გადაწყვეტილებები - მხოლოდ Lemons.ge-ს!

Lemons.ge-ს გუნდი ყოველთვის თქვენს გვერდით არის, როცა გჭირდებათ კრეატიული ხედვა და რეალური შედეგები.

მისამართი: წერეთლის გამზ. 117ა

კონტაქტი: ( 995) 032 2 45 01 01