როდის არის საჭირო რედიზაინი? – 7 ნიშანი, რომ შენი ბრენდი ცვლილებას ითხოვს

რედიზაინი არის ბრენდის ვიზუალური თუ შინაარსობრივი განახლება, რომელიც მიზნად ისახავს უფრო თანამედროვე, მიმზიდველი და მომხმარებელზე ორიენტირებული იმიჯის შექმნას. ეს ცვლილება შეიძლება მოიცავდეს ლოგოს, ფერების, ტიპოგრაფიის, ვებსაიტის სტრუქტურის ან კომპანიის მთლიანი სტრატეგიის შეცვლას.

ბრენდი უნდა ვითარდებოდეს მომხმარებლის საჭიროებების, ბაზრის მოთხოვნებისა და თანამედროვე ტენდენციების შესაბამისად. თუმცა, როგორ გავიგოთ როდის დადგა ცვლილების დრო?

• ბრენდი მოძველებულია

თუ შენი ბრენდი გამოიყურება ისე, როგორც 10 წლის წინ და ვერ ერგება თანამედროვე ტენდენციებს, მაშინ დროა განახლებაზე დაფიქრდე. კონკურენტუნარიანობის შესანარჩუნებლად აუცილებელია თანამედროვე ვიზუალური და სტრატეგიული მიდგომების დანერგვა.

• ბრენდი აღარ ასახავს კომპანიის ფასეულობებს

ბრენდი არის კომპანიის სახე. თუ შენი ბიზნესი განვითარდა, გაფართოვდა ან შეიცვალა მისი მისია და ღირებულებები, მაგრამ ბრენდის იდენტობა იგივე დარჩა, ეს ნიშნავს, რომ საჭიროა მისი განახლება.

• კონკურენტები გაცილებით თანამედროვე არიან

თუ კონკურენტების ბრენდები უფრო თანამედროვე და მიმზიდველია, ისინი მარტივად მოიზიდავენ მომხმარებელს. საჭიროა ბრენდის განახლება, რათა შენც შეინარჩუნო ლიდერობა და არ დაკარგო პოზიციები ბაზარზე.

•  ბრენდი არ იწვევს მომხმარებლის ინტერესს

თუ მომხმარებლები აღარ რეაგირებენ შენს ბრენდზე ისე, როგორც ადრე – მაგალითად, შემცირდა ჩართულობა, ვებსაიტზე ვიზიტორების რაოდენობა ან სოციალური მედიის აქტივობა – ეს აშკარა ნიშანია, რომ საჭიროა რედიზაინი.

• ბრენდის იდენტობა არ არის კონსისტენტური

თუ შენი ლოგო, ფერები, ტიპოგრაფია და სხვა ვიზუალური ელემენტები არ არის ჰარმონიული, ან ისინი სხვადასხვაგვარად გამოიყენება სხვადასხვა პლატფორმაზე, ეს მიანიშნებს ბრენდის ქაოტურობაზე. რედიზაინი დაგეხმარება ბრენდის სტაბილურობისა და ერთიანი იდენტობის ჩამოყალიბებაში.

• შენი მიზნობრივი აუდიტორია შეიცვალა

თუ ბიზნესი გაფართოვდა ან შეცვალა მომხმარებელთა სეგმენტი, შესაძლოა ძველი ბრენდი აღარ იყოს რელევანტური. მაგალითად, თუ ადრე შენი პროდუქტი ახალგაზრდა მომხმარებლებისთვის იყო გათვლილი, მაგრამ ახლა უფრო ფართო ასაკობრივ ჯგუფს ემსახურები - ბრენდის განახლება აუცილებელია.

• ბრენდი აღარ შეესაბამება ციფრულ სამყაროს

ციფრული მედიის განვითარებასთან ერთად, ბრენდებს სჭირდებათ მოქნილობა და ადაპტირებულობა. თუ შენი ლოგო, ვებსაიტი ან გრაფიკული დიზაინი ცუდად გამოიყურება ციფრულ პლატფორმებზე (მაგალითად, სმარტფონებსა და ტაბლეტებზე), საჭიროა რედიზაინი.

რედიზაინის პროცესი უნდა იყოს გააზრებული და სტრატეგიულად გამართული. აი რამდენიმე ნაბიჯი, რომელიც წარმატებული რებრენდინგისთის მნიშვნელოვანია:

• შეაფასე არსებული ბრენდი – გაარკვიე, რა მუშაობს და რა არა;

• გაიაზრე მიზნები – რედიზაინი უნდა ემსახურებოდეს კონკრეტულ მიზანს, იქნება ეს მომხმარებელთა ჩართულობის ზრდა თუ ბაზარზე კონკურენტუნარიანობის გაუმჯობესება;

• დააკვირდი კონკურენტებს – გაიგე, როგორ მოქმედებენ კონკურენტები და რა შეგიძლია ისწავლო მათგან;

• შექმენი ახალი ვიზუალური იდენტობა – განაახლე ლოგო, ფერები, ტიპოგრაფია და სხვა ელემენტები, რომლებიც ბრენდს თანამედროვეს გახდის;

• გაავრცელე ახალი ბრენდი სწორად – ცვლილებების უნდა გააცნო ეტაპობრივად და სტრატეგიულად, რათა მომხმარებლებს გაუმარტივდეს ახალ იდენტობასთან შეგუება.

Instagram – თავდაპირველად მისი ლოგო ძველი კამერის ვიზუალს ატარებდა, მაგრამ თანამედროვე, მინიმალისტური დიზაინის წყალობით, ბრენდი უფრო მარტივი, დასამახსოვრებელი და დინამიკური გახდა.

Apple – Apple-ის ლოგოს ევოლუცია კარგი მაგალითია იმისა, როგორ შეიძლება მინიმალისტური რედიზაინი გახდეს წარმატების საწინდარი. მათ მარტივი და დახვეწილი დიზაინი აირჩიეს, რამაც ბრენდი უფრო თანამედროვე და ელეგანტური გახადა.

Pepsi vs. Coca-Cola – Pepsi-მ არაერთხელ განიცადა რედიზაინი, თუმცა ზოგიერთი მცდელობა არ იყო წარმატებული. Coca-Cola-მ კი შეინარჩუნა ტრადიციული სტილი და მცირე ცვლილებებით გააძლიერა თავისი ბრენდის იდენტობა. 

Mailchimp, რომელიც იმეილ მარკეტინგის სერვისს აწვდიდა მომხმარებლებს, თავდაპირველად იყენებდა არაორგანიზებულ ვიზუალურ სტილს. რედიზაინის შედეგად, მათ მიიღეს მარტივი, ნათელი და სასიამოვნო დიზაინი, რაც მომხმარებლებისთვის უფრო მიმზიდველი და ადვილად გამოსაყენებელი გახდა. ამან ბრენდის ცნობადობა და მომხმარებელთა ნდობა საგრძნობლად გაზარდა.

რედიზაინი ბიზნესისთვის არა მხოლოდ ვიზუალური განახლებაა, არამედ ის კომპანიის ზრდისა და წარმატების ერთ-ერთი მთავარი ინსტრუმენტია. თუ შენს ბრენდში აღმოაჩენ ამ 7 ნიშანს, დროა ცვლილებაზე დაფიქრდე. სწორად შესრულებული რედიზაინი გაზრდის ბრენდის ცნობადობას, მომხმარებლის ნდობასა და კონკურენტულობას ბაზარზე. ამიტომ, ნუ შეგეშინდება ცვლილებების – ისინი შენი ბიზნესის წარმატებისკენ გადადგმული ნაბიჯია!

კონსულტაციისა და დახმარებისთვის კი მუდამ თქვენ გვერდით მიგულეთ მე და ჩემი კომპანია.

მხოლოდ ორიგინალური გადაწყვეტილებები  - Lemons.ge

მისამართი: წერეთლის გამზ. #117ა

ელ. ფოსტა: info@lemons.ge

ოფისი: (+995) 032 2 45 01 01