როგორ გავაუმჯობესოთ პრეზენტაციების დიზაინი – რჩევები გრაფიკული დიზაინერისგან

პრეზენტაციის წარმატება ხშირად დამოკიდებულია არა მხოლოდ შინაარსზე, არამედ იმაზე, თუ როგორ არის ის ვიზუალურად წარმოდგენილი. ლამაზი და ეფექტური დიზაინი აუდიტორიას უკეთეს შთაბეჭდილებას უტოვებს და თქვენს იდეებს უფრო მარტივსა და დამაჯერებელს ხდის.

გთავაზობთ რამდენიმე მარტივ, მაგრამ საჭირო რჩევას:

1. გამარტივებული დიზაინი

ხშირად შეცდომას ვუშვებთ, როცა ვცდილობთ, ძალიან ბევრი ელემენტი შევიტანოთ ერთ სლაიდში. ეს იწვევს აუდიტორიის გადაღლას და მათი ყურადღების დაკარგვას. უმჯობესია, თითოეულ სლაიდზე ერთი ძირითადი იდეა წარმოადგინოთ.

თუ გსურთ ახსნათ ახალი პროდუქტის ფუნქციები, არ ჩაწეროთ ყველაფერი ერთ სლაიდზე – თითოეული ფუნქცია ცალკეულ სლაიდზე გამოყავით და გაამარტივეთ ტექსტი - ადამიანური ტექსტები ბევრად უფრო გაყიდვადია.

2. ფერების სწორად შერჩევა

ფერები პრეზენტაციის ვიზუალის მთავარი იარაღია. აქცენტი უნდა გააკეთოთ ფერების შეხამებასა და სიმარტივეზე. გამოიყენეთ კონტრასტული ფერები, რათა ტექსტი კარგად იკითხებოდეს.

თუ სლაიდზე ღია ფერის ტექსტია, მის ფონზე მუქი ფერი გამოიყენეთ. ეს აუდიტორიას დაეხმარება უკეთ აღიქვას ინფორმაცია.

3. სურათების გამოყენება ტექსტის ნაცვლად

სურათები და გრაფიკული ელემენტები უფრო მეტად აინტერესებს აუდიტორიას, ვიდრე ტექსტი. თუ შესაძლებელია, ეცადეთ ტექსტის ნაცვლად გამოიყენოთ ვიზუალური ელემენტები, რათა აუდიტორია მეტად ჩაერთოს და ინფორმაცია მარტივად აღიქვას.

პრეზენტაციაში გამოიყენეთ მაღალი ხარისხის სურათები ან ილუსტრაციები, რომლებსაც თქვენი თემა ეხება. ეს უფრო სწრაფად მიიტანს თქვენს შეტყობინებას აუდიტორიამდე.

4. მარტივი შრიფტები

ტექსტი პრეზენტაციაში ძალიან მნიშვნელოვანია, მაგრამ არ უნდა დაიკარგოს დიზაინში. ყველაზე ეფექტური შრიფტები მარტივი და მკაფიოა. სლაიდზე არ გამოიყენოთ ძალიან ბევრი განსხვავებული შრიფტი, რათა ვიზუალი არ გადაიტვირთოს - დაიცავით ბრენდინგი. საუკეთესო არჩევანია ისეთი შრიფტი, რომელიც ადვილად იკითხება.

5. სლაიდების სწორი სტრუქტურა

სლაიდების სწორი სტრუქტურირება ხელს უწყობს მსმენელისთვის ინფორმაციის სწორად გააზრებას. გამოიყენეთ სათაურები, ქვე-სათაურები და ჩამონათვალები, რათა ინფორმაცია მარტივად მიიტანოთ აუდიტორიამდე. ეცადეთ, რომ ტექსტი იყოს მოკლე და ლაკონიური, ხოლო ძირითადი იდეა – გამოკვეთილი. 

ვიმსჯელოთ სხვადასხვა კომპანიების მაგალითებით, რათა უფრო თვალსაჩინო გავხადოთ ზემოთ მიღებული ინფორმაცია.

Apple-ის პრეზენტაციები მსოფლიოში ცნობილია მარტივი, მაგრამ დახვეწილი დიზაინით. სლაიდები, უმეტესად ფოკუსირებულია ერთ ნივთზე ან იდეაზე და ტექსტი მინიმუმამდეა დაყვანილი. ეს აუდიტორიას საშუალებას აძლევს, ყურადღება მხოლოდ მთავარ შინაარსზე გაამახვილოს.

თუკი ერთ სლაიდზე ძალიან ბევრ ინფორმაციას განათავსებთ, აუდიტორია ვერ აღიქვამს მთავარს. სცადეთ Apple-ის სტილი – გამოიყენეთ თეთრი სივრცე, ერთი ძირითადი სურათი ან იდეა თითო სლაიდზე და მხოლოდ აუცილებელი ტექსტი.

Google-ის შრიფტების სისუფთავე

Google თავის პრეზენტაციებში უმეტესად მარტივი და თანამედროვე შრიფტების გამოყენებით ქმნის სუფთა და პროფესიონალურ შთაბეჭდილებას. მათი პრეზენტაციების შრიფტები მკაფიოდ იკითხება და არ იწვევს ყურადღების გადატანას არასწორ ადგილებზე.

გამოიყენეთ დიდი ზომის, მარტივი შრიფტები სათაურებისთვის, ხოლო ძირითადი ტექსტისთვის პატარა, მაგრამ ადვილად წასაკითხი შრიფტი.

Microsoft-ის ფერები

Microsoft-ის პრეზენტაციებში ხშირად იყენებს კონტრასტულ ფერებს, რათა განსაკუთრებული ყურადღება გაამახვილოს მნიშვნელოვან ინფორმაციაზე. სწორად შერჩეული ფერები პრეზენტაციას დინამიურობას ჰმატებს და აუდიტორია მთავარ ინფორმაციას მარტივად აღიქვამს.

არჩევა ისეთი ფერების, რომლებიც ერთმანეთს კარგად აბალანსებს – მაგალითად, მუქი ფონი და ღია ფერის ტექსტი. ამის მაგალითია Microsoft-ის სლაიდები, სადაც ხშირად მუქ ლურჯ ფონზეა განთავსებული თეთრი ან ნათელი ტექსტი, რაც ადვილად იკითხება.

დიდი კომპანიები, როგორიცაა Apple, Google და Microsoft, იციან, როგორ გამოიყენონ დიზაინი წარმატებული პრეზენტაციების შესაქმნელად. სისუფთავე, მკაფიო სტრუქტურა, კონტრასტული ფერები თქვენც შეგიძლიათ გამოიყენოთ, რომ თქვენი პრეზენტაციები უფრო ეფექტური და დამაჯერებელი გახდეს.

გაითვალისწინეთ ეს მაგალითები და რჩევები და თქვენი შემდეგი პრეზენტაცია არა მხოლოდ ინფორმაციული, არამედ ვიზუალურად საინტერესო და წარმატებული იქნება!

კონსულტაციისა და დახმარებისთვის კი მუდამ თქვენ გვერდით მიგულეთ მე და ჩემი კომპანია.

მხოლოდ ორიგინალური გადაწყვეტილებები  - Lemons.ge

მისამართი: წერეთლის გამზ. #117ა

ელ. ფოსტა: info@lemons.ge

ოფისი: (+995) 032 2 45 01 01